Banner After Header

‘நீட்’டாவது… மயிராவது… – மோடி அரசை வெச்சு செஞ்ச சூர்யா!

0

பொதுவாகவே ஆளும் அரசுகளின் நடவடிக்கைகளைப் பற்றி விமர்சிக்க தமிழ்சினிமா முன்னணி ஹீரோக்கள் யோசிப்பார்கள். விமர்சித்து விட்ட பின்னர் ஐடி ரெய்டு உள்ளிட்ட எதிர்வினைகளை சம்பந்தப்பட்டவர்கள் மீது அரசு ஏவி விடும் என்பதே அந்த யோசிப்புக்கு முக்கிய காரணம்.

ஆனால் அதைப்பற்றியெல்லாம் கவலைப்படாமல், மோடி தலைமையிலான மத்திய அரசு கொண்டு வருவதாக சொல்லிக் கொண்டிருக்கும் ”புதிய தேசிய கல்விக் கொள்கை 2019” ல் இருக்கும் ஆபத்துகள் பற்றி கடுமையான விமர்சனம் செய்தார் நடிகர் சூர்யா.

சிவக்குமார் கல்வி அறக்கட்டளை சார்பில் நடைபெற்ற 40-வது ஆண்டு விழாவில் கலந்து கொண்ட சூர்யா பேசியதாவது, “மத்திய அரசு வெளியிட்டுள்ள தேசிய கல்விக் கொள்கை மக்களிடம் சென்று இன்னும் முழுமையாக சேரவில்லை.

மத்திய அரசு வெளியிட்டுள்ள இந்த கல்வி கொள்கை வரைவில், 3ஆம் வகுப்பு முதல் நுழைவு தேர்வு, கல்வி தேர்வு என தேர்வுகள் வைக்கப்படுவதாக அறிவித்துள்ளனர். சரியான சமமான கல்வி இல்லாமல் எப்படி கல்வி தேர்வுகள் வைக்க முடியும்? இந்த புதிய கல்விக்கொள்கை என்பது 30 கோடி மாணவர்களின் வாழ்க்கை பற்றியது. இந்த கல்வி கொள்கை பற்றிய கருத்துக்கள் மக்களிடம் இருந்து கிடைக்கப் பெற்றால் மட்டுமே மாற்ற முடியும் என்கின்ற போது பெற்றோர்களும், ஆசிரியர்களும் இது குறித்து அதிக கவனம் செலுத்த வேண்டும்.

தற்போது ஓராசிரியர் உள்ள பள்ளிகள் மூடப்பட்டு வருகிறது, அவ்வாறு இருக்கையில் எப்படி அங்கு படிக்கும் பிள்ளைகள் இதுபோன்ற கொள்கைகளுக்கு ஏற்ப தேர்வுகளை எழுத முடியும். ஆரம்பக் கல்வியிலேயே மூன்று மொழிகளை திணிக்கின்றனர், இதுபோன்று மொழிகளை திணிப்பதன் மூலம் அரசு பள்ளி மாணவர்கள் மிகவும் பாதிக்கப்படுவார்கள்.

ஏனென்றால் அரசுப் பள்ளிகளில் இதுபோன்ற கல்விகள் மாணவர்களுக்கு கிடைப்பதில்லை. 5-ம் வகுப்பு முதல் பொதுத்தேர்வு நடத்தினால் இடைநிற்றல் அதிகரிக்கும், 6.5 கோடி மாணவர்கள் பள்ளிப்படிப்பை பாதியிலேயே நிறுத்தி விடுவார்கள் . 60% மாணவர்கள் அரசு பள்ளிகளில் தான் படிக்கிறார்கள், புதிய கல்விக்கொள்கை குறித்து விரிவாக விவாதிக்க வேண்டியது மிகவும் அவசியம், அரசு பள்ளிகளில் போதுமான ஆசிரியர்கள் இல்லை, 10 ஆண்டுகளாக ஆசிரியர்களே இல்லாமல் படிக்கும் 30% மாணவர்கள் எப்படி நீட் தேர்வு எழுதுவார்கள்?

பள்ளிகள் மட்டுமல்லாது கலை அறிவியல் கல்லூரியில் சேர்வதற்கும் நுழைவுத் தேர்வு வைத்துள்ளனர். எதற்கெடுத்தாலும் நுழைவுத் தேர்வு நடத்தினால் மாணவர்கள் எப்படி படிக்க முடியும், ஒரு வேலை படிக்க முடியாமல் அவர்கள் தேர்வுகளில் தோல்வியடைந்தால் பின் எப்படி அனைத்து மாணவர்களும் படிக்க முடியும்.

நுழைவுத் தேர்வுகளால் தனியார் பயிற்சி மையங்கள் அதிகரிக்கும், தனியார் பயிற்சிப்பள்ளிகள் நாடு முழுவதும் ரூ.5000 கோடி வருமானம் ஈட்டுகின்றன, கற்பித்தல் என்ற முறைக்கு பதில் கோச்சிங் சென்டர் முறை வரும். அதுபோன்ற ஒரு சூழ்நிலை ஏற்பட்டால் பின் பள்ளி கல்லூரிகளின் தேவைகள் இல்லாமல் போய்விடும்.” என்றார்.

மேடையில் பேசிக்கொண்டிருக்கும் போதே ஒரு கட்டத்தில் கடுப்பான சூர்யா ”3 வகுப்பிலிருந்து பிளஸ் டூ வரைக்கும் பல தேர்வுகளை எழுத வைக்கிறார்கள். பிறகு இதெல்லாம் ”மயிறு தூக்கிப்போடு” என்று சொல்லிவிட்டு ஒரே ஒரு நுழைவுத் தேர்வு எழுதினால் தான் எந்த டிகிரியும் படிக்க முடியும் என்கிற நிலையை ஏற்படுத்துகிறார்கள்” என்றவர் ‘மயிறு’ என்று சொன்னதற்கு மன்னிப்பு கேட்டுக் கொண்டார்.

Leave A Reply

Your email address will not be published.