‘சர்கார்’ ரிலீஸ் வதந்திக்கு முற்றுப்புள்ளி வைத்த சன் பிக்சர்ஸ்

விஜய் – ஏ.ஆர்.முருகதாஸ் கூட்டணியில் தயாராகியிருக்கும் படம் ‘சர்கார்’.

சன் பிக்சர்ஸ் தயாரித்திருக்கும் இப்படத்தில் விஜய்க்கு ஜோடியாக கீர்த்தி சுரேஷ் நடித்திருக்கிறார். ஏ.ஆர்.ரஹ்மான் இசையமைத்திருக்கிறார்.

கடந்த சில தினங்களாக இப்படம் தீபாவளியையொட்டி நவம்பர் 2-ம் தேதி வெள்ளிக்கிழமை ரிலீசாகப் போகிறது என்று செய்திகள் வெளியானது.

ஆனால் சன் பிக்சர்ஸ் நிறுவனம் இந்த ரிலீஸ் தேதியை அதிகாரப்பூர்வமாக அறிவிக்கவில்லை. இதனால் படம் நவம்பர் 2-ம் தேதியா? அல்லது நவம்பர் 6-ம் தேதி தீபாவளி அன்றா? என்று விஜய் ரசிகர்கள் பெரும் குழப்பத்தில் இருந்தனர்.

இந்நிலையில் சர்கார் படம் நவம்பர் 2-ம் தேதி இல்லை. தீபாவளி நாளான நவம்பர் 6-ம் தேதி தான் ரிலீசாகிறது என்று அதிகாரப்பூர்வமாக அறிவித்துள்ளது சன் பிக்சர்ஸ் நிறுவனம்.

தயாரிப்பு தரப்பிலிருந்தே ரிலீஸ் தேதி உறுதியானதைக் கேள்விப்பட்டு நிம்மதி பெருமூச்சு விட்டிருக்கும் விஜய் ரசிகர்கள் சர்கார் படத்தை வரவேற்கக் தயாராகி வருகிறார்கள்.