இந்த காணொளி கேமரா லென்ஸ்க்கு அப்பால் நம்மை அழைத்துச் செல்கிறது. ஜவானின் இதயத்தில் ஒரு நெருக்கமான பார்வையை வழங்குகிறது. பாடல் தொகுப்பில் எதிரொலிக்கும் கடும் உழைப்பு, வியர்வை, தோழமை மற்றும் ஆற்றல் ஆகியவற்றையும் விவரிக்கிறது.
ஷாருக்கான் ஈடு இணையற்ற ஆற்றலுடன் அதே பாடலை பாடும் போது ஷாருக்கானிற்கு தென்னிந்திய மொழி உச்சரிப்புடன் பாடல் வரிகளுக்கேற்ப உதட்டை அசைக்க.. இயக்குநர் அட்லீ வழிகாட்டுகிறார். இயக்குநர் அட்லீ மற்றும் அவரது குழுவினர் ஷாருக்கானுக்கு தமிழ் மற்றும் தெலுங்கு மொழியில் இந்தப் பாடலுக்கான வரிகளைக் கற்றுக் கொடுப்பது… இயக்குநரே ஷாருக்கானுடன் இணைந்து பயிற்சி அளிக்கப்பட்ட ஒரு நடன அசைவை பகிர்ந்து கொள்வது… என கவனிக்க வேண்டிய சில தனித்துவமான தருணங்கள்… இந்த காணொளியில் இடம் பிடித்திருக்கிறது.
‘ஜவான்’ திரைப்படத்தை ரெட் சில்லிஸ் என்டர்டெய்ன்மென்ட் வழங்க அட்லீ இயக்கியுள்ளார். கௌரி கான் தயாரித்துள்ளார். கௌரவ் சர்மா இணை தயாரிப்பாளராக பணியாற்றி இருக்கிறார். இந்த திரைப்படம் தமிழ், தெலுங்கு, இந்தி ஆகிய மொழிகளில் செப்டம்பர் 7ஆம் தேதி முதல் உலகம் முழுவதும் திரையரங்குகளில் வெளியாகிறது.