அடுத்த இரண்டு ஆண்டுகள் திரையுலகத்தின் பொற்காலம்! : விஷால் நம்பிக்கை

நடிகர் சங்கத்தைத் தொடர்ந்து தயாரிப்பாளர் சங்கத் தேர்தலில் தலைவராக வெற்றி பெற்றிருக்கிறார் நடிகர் விஷால்.

அதோடு அவரது அணியைச் சேர்ந்த 17 பேர் முக்கிய பதவிகளில் வெற்றி பெற்றிருக்கிறார்கள்.

இந்த சந்தோஷமான தருணம் குறித்து விஷால் பேசியதாவது :

ஒட்டு அளித்த அனைத்து முதலாளிகளுக்கும் நன்றி. எங்கள் மீது வைத்த நம்பிக்கை வீண் போகாது. வரலாற்று முக்கியத்துவமான விஷயங்கள் நடக்கப் போகிறது. தயாரிப்பாளர் சங்கத்துக்கு பொற்காலம் போல செயல்படுவோம். மாற்றத்தை யாராலும் தடுக்க முடியாது.

இளைஞர்கள் வெற்றி பெற்றிருக்கிறோம். திருட்டு விசிடி, ஆன்லைன் ப்ரைசி, தமிழ் ராக்கர்ஸ் ஆகியோருக்கு இப்போது சொல்கிறேன். நாங்கள் ஜெயித்து விட்டோம், இப்போது வந்து பாருங்கள். முதல்கட்டமாக விவசாயிகளுக்கும், சில தயாரிப்பாளர்கள் வைத்த கோரிக்கையும் நிறைவேற்ற பாடுவேன். எங்கள் அணியினர் ஜெயிப்பார்கள் என்று நம்புகிறேன்.