பிரபுதேவாவின் வாரிசு அறிமுகமாகும் இசை ஆல்பம்!

நடிகர் பிரபுதேவாவின் மகன் ரிஷி தேவா ‘முதல் முதலாய் ‘ இன்டி மியூசிக்கல் வீடியோ ஆல்பம் மூலம் தனது கலைப் பயணத்தை தொடங்கி இருக்கிறார்.‌ இந்த ஆல்பத்தில் அசத்தலான நடனமாடி நடிகராக அறிமுகமாகி இருக்கிறார்.

இசையமைப்பாளர் ரவிச்சந்திரன் ஸ்ரீநிவாஸ் இப்பாடலை எழுதி இசையமைக்க, ஜி.வி பிரகாஷ் குமார் பாடியிருக்கிறார். ரிஷி தேவா, நடிகை கைரா ஆகியோர் இணைந்து நடனமாடி நடித்திருக்கிறார்கள். மெலோடியும், ராப் இசையும் கலந்த இந்த ஆல்பத்தில் உள்ள ராப் பாடலை இசைக் கலைஞர் ஆதித்யா பாடியிருக்கிறார்.

இந்தப் பாடலில் காதல் -அப்பாவித்தனம் – மறக்க இயலாத தருணங்கள்- ஆகியவை இனிமையான பாடல் வரிகளுடன் இணைந்து இருப்பதால்.. இசை ரசிகர்களின் வரவேற்பைப் பெற்று வருகிறது.

இதனிடையே நடிகர் பிரபுதேவா நடனமாடி பிரபலமான ‘சிக்கு புக்கு ரயிலே.. பாடலை சிறுவயதில் ஜி. வி பிரகாஷ் குமார் பாடினார் என்பதும் பிரபுதேவாவின் மகன் ரிஷி தேவா அறிமுகமாகும் ‘முதல் முதலாய் ‘ மியூசிக்கல் வீடியோ ஆல்ப பாடலையும் ஜி. வி பிரகாஷ் குமார் தான் பாடியிருக்கிறார் என்பதும் குறிப்பிடத்தக்கது.

‘முதல் முதலாய்’ ஆல்பம் பாடலை முன்னணி இசை நிறுவனமான சரிகம நிறுவனம் வெளியிட்டுள்ளது.