டார்லிங் 2 ஹீரோவின் ‘விதி – மதி உல்டா’!
Get real time updates directly on you device, subscribe now.
‘டார்லிங் 2′ படத்தில் ஹீரோவாக நடித்து ரசிகர்களின் கவனம் ஈர்த்தவர் ரமீஸ் ராஜா!
இவர் தனது ரைட் மீடியா ஒர்க்ஸ் பிரைவேட் லிமிடெட் லிமிடெட் என்ற நிறுவனத்தின் மூலம் மிகுந்த பொருட்செலவில் தயாரித்து, கதாநாயகனாக நடித்து வரும் படம் ‘விதி – மதி உல்டா’. ரமீஸ் ராஜாவின் ஜோடியாக ஜனனி அய்யர் நடிக்கிறார்.
இயக்குனர் ஏ.ஆர்.முருகதாஸின் உதவியாளர் விஜய் பாலாஜி கதை திரைக்கதை வசனம் எழுதி இயக்குகிறார். ஒளிப்பதிவு மார்ட்டின் ஜோ, இசை அஸ்வின் .
“மனித வாழ்க்கையின் நிகழ்வுகள் அனைத்துமே விதிக்குட்பட்டது. விதியை வெல்லக் கூடிய சக்தி மதிக்கு உண்டு. ஒரு வேளை அதுவே உல்டாவாக ஆகி விட்டால் என்னென்ன விபரீதம் ஏற்படும்? இந்தக் கேள்விக்கான பதிலை காதல், காமெடி, ஃபேண்டஸி கலந்த த்ரில்லிங் படமாக உருவாக்கி வருகிறோம்” என்கிறது படக்குழு .
“படத்தில் மிக வித்தியாசமான கதாபாத்திரங்களில் டேனியல் பாலாஜி, கருணாகரன் ஆகியோர் நடிக்கிறார்கள். முக்கிய கதாபாத்திரங்களில் சென்ராயன், சித்ரா லட்சுமணன், ஞானசம்மந்தன் ஆகியோர் நடித்து வருகின்றனர்” என்றும் கூறுகின்றனர்.
படத்தின் படப்பிடிப்பு சென்னை, பாண்டிச்சேரி, பெங்களூர் ஆகிய இடங்களில் நடக்க, விறுவிறுப்பும் வேகமுமாக வளர்ந்து வருகிறது.