‘பிரம்மாஸ்த்ரா’ படத்தின் தமிழ் லோகோவை வெளியிட்ட தனுஷ், சூர்யா!

இயக்குனர் அயன் முகர்ஜி இயக்கத்தில் அமிதாப்பச்சன் , ரன்பீர் கபூர், அலியா பாட், மௌனி ராய், நாகர்ஜுனா அக்கிநேநி ஆகியோர் நடிப்பில் பிரமாண்டமாக தயாராகியிருக்கும் படம் தான் ‘பிரம்மாஸ்த்ரா’.

மார்ச் 4 ஆம் தேதி மகா சிவராத்திரியை முன்னிட்டு கும்ப மேளாவில் பிரம்மாஸ்த்ரா திரைப்படத்தின் பிரம்மாண்டமான லோகோ வெளியிடப்பட்டது. இதனை தொடர்ந்து இன்று பிரம்மாஸ்த்ரா திரைப்படத்தின் லோகோ தமிழ் மொழியில் வெளியானது.

தமிழில் நடிகர் தனுஷ் மற்றும் சூர்யா ஆகியோர் மதியம் 2 மணிக்கு வெளியிட்டனர். தெலுங்கு மொழியில் பாகுபலி இயக்குனர் ராஜமௌலியும், பிரபல நடிகர் ராணா டகுபடியும் காலை 11 மணிக்கு வெளியிட்டனர்.

மூன்று பாகங்களை கொண்ட பிராமாஸ்டரா திரைப்படத்தின் முதல் பாகம் கிறிஸ்துமஸ் 2019 ல் வெளியாக இருக்கிறது.