‘வைகை எக்ஸ்பிரஸ்’ படத்தில் ஆர்.கே வின் ‘ஹிட் பாக்ஸ்’ திட்டம் : 3 டிக்கெட்ல 5 பேர் படம் பார்க்கலாம்!
Get real time updates directly on you device, subscribe now.
இரண்டு மூன்று விநியோகஸ்தர்கள் வாங்குகிற படங்களே பல கட்ட பஞ்சாயத்துகளைத் தாண்டித்தான் ரிலீசாக வேண்டிய இக்கட்டான நிலை கோடம்பாக்கத்தில் நிலவி வருகிறது. இந்தச் சூழலில் தனது ‘வைகை எக்ஸ்பிரஸ்’ படத்தில் 1000 விநியோகஸ்தர்களை இணைத்திருக்கிறார் நடிகர் ஆர்.கே.
‘எல்லாம் அவன் செயல்’ படத்தின் வெற்றியைத் தொடர்ந்து மீண்டும் அப்படத்தின் இயக்குநர் ஷாஜி கைலாஸ் இயக்கத்தில் ஆர்.கே, நீது சந்திரா நடித்திருக்கும் படம் தான் ‘வைகை எக்ஸ்பிரஸ்’.
மக்களை பாசறை தயாரிப்பில் தயாராகியிருக்கும் இப்படத்தின் ட்ரெய்லர் வெளியீட்டு விழா நேற்று மாலை சென்னையில் 1000 விநியோகஸ்தர்கள் முன்னிலையில் மிகப்பிரம்மாண்டமாக நடந்தது.
நிகழ்ச்சியில் பேசிய நடிகர் ஆர்.கே ”300 ரூபாய் டிக்கெட்டை 100 ரூபாய்க்கு வாங்கிப் பார்க்கும் ஒரு அசத்தலான திட்டமான ஹிட் ‘பாக்ஸ்”’ என்கிற திட்டத்தைப் பற்றிப் பேசினார்.
இந்த திட்டத்தை தனது ”வைகை எக்ஸ்பிரஸ்” படத்திலிருந்து ஆரம்பிக்க இருப்பதாகவும் அவர் தெரிவித்தார்.
தொடர்ந்து அவர் பேசியதாவது : “உலகில் மார்கெட்டிங் சிறப்பாக இருந்தால் எதை வேண்டுமானாலும் சந்தைப்படுத்தி விடலாம். கற்றுக் கொடுப்பது தான் வாழ்க்கை. டேய் நான் உன் தகப்பன்டா என்று தந்தை கற்றுக் கொடுக்கிறார்… டேய் நான் உன் அம்மாடா சேலையைப் பிடிச்சு இழுக்கிற படவா என்று அம்மா கற்றுக் கொடுக்கிறாள்… நான் திரைப்படத்தை எப்படி வியாபாரம் செய்யவேண்டும் என்று கற்றுக் கொடுத்தேன்… மக்கள் மதத்தைப் பற்றி பேசுவார்கள், அரசியலைப் பற்றிப் பேசுவார்கள், சினிமாவைப் பற்றி வெறுமனே பேசாமல் நேசிக்கவும் செய்கிறார்கள்…
பலகோடி வர்த்தகம் நடக்கும் இடம். பல லட்சம் வேலைவாய்ப்புகளை உருவாக்கும் இடம். ஆனால், நசிந்து கிடக்கிறது. 300 ரூபாய்க்கு விற்கும் டிக்கெட்டை எடுத்துப் படம் பார்த்துட்டு, குடும்பத்தைக் கூட்டிட்டுப் போக முடியலயே என்கிற ஆதங்கத்தில்., இல்லை படம் மொக்கை என்று நண்பன் சொல்லிட்டான் என்று பொய் சொல்கிறான்… 600 பேர் அமரும் தியேட்டரில் 100 டிக்கெட் கூட விற்க மாட்டேங்குது… நான் 300 ரூ டிக்கெட்டை 100 ரூபாய்க்கு கொடுக்கிறேன். அத்துடன் 3 பேர் டிக்கெட்டு எடுத்தா 2 பேரை இலவசமா கூட்டிட்டு வா என்கிறேன்… குடும்பம் குட்டியோட மக்கள் சந்தோஷமா படம் பார்க்கட்டுமே…
அப்படி உருவானதுதான் ‘ஹிட் பாக்ஸ்’ இது பாக்ஸ் ஆபீஸ் ஹிட்டுக்கான உத்திரவாதமான முதல் படி… ஆயிரம் வி நியோகஸ்தர்களை உருவாக்கினேன்…ஐயா திருட்டு விசிடி விக்கிறாய்ங்கன்னு சொன்னார்கள்.. இது இனிமேல் உங்கள் சினிமா உங்கள் வியாபாரம் என்று ஊக்கப்படுத்தினேன்.. களமிறங்கி ஜெயித்திருக்கிறார்கள்… ஆன்லைன்ல புக் பண்ணா எவனோ ஒருத்தன் ஒரு டிக்கெட்டுக்கு 30 ரூ சம்பாதிக்கிறான்…கேட்டா சர்வீஸ் சார்ஜுங்கிறான்… 10 டிக்கெட் புக் பண்ணாலும் 300 ரூபாய் வாங்கிவிடுகிறான்… இதை முதலில் ஒழிக்கவேண்டும்…
எங்க ஹிட் பாக்ஸ்ல டிக்கெட் விற்கிறவர்கள் ஒரு டிக்கெட்டுக்கு 5 ரூபாய்தான் வாங்குகிறார்கள். 1 லட்சம் டிக்கெட் விற்றால் 5 லட்சம் ரூபாய் சம்பாதிப்பார்கள்…. என் எழைத்தமிழனும் லட்சாதிபதி ஆகட்டுமே… ஹிட் பாக்ஸ் மூலமா எட்டு கோடி பேரும் தியேட்டர்ல வந்து படம் பார்ப்பார்கள்… வைகை எக்ஸ்பிரஸ், தொடர்ந்து நான்கு வாரம் அரங்கு நிறைந்த காட்சிகளாய் ஓடும்…
ஹிட் பாக்ஸ் வி நியோகம் உலகிலேயே முதல் முறையாக இந்தியாவில் அதுவும் தமிழ் சினிமாவுக்கு வைகை எக்ஸ்பிரஸ் மூலம் வருகிறது… எதிர் காலத்தில் எங்கள் படங்களையும் ஹிட் பாக்ஸ் மூலம் வி நியோகியுங்கள் என்று எல்லோரும் வருவார்கள்..” என்றார்.