‘கயா முயா’பாடல் 2 மில்லியனை நோக்கி நகர்கிறது!
Get real time updates directly on you device, subscribe now.
கோயம்புத்தூர் எஸ் பி மோகன் ராஜ் மற்றும் ஜி மீடியா ஜெயஸ்ரீ விஜய் தயாரிப்பில், ‘பவுடர்’ படத்தை இயக்கி வரும் விஜய் ஸ்ரீஜி இயக்கத்தில் உருவாகும், ‘வெள்ளி விழா நாயகன்’ மோகன் நடிக்கும் ‘ஹரா’ படத்தின் முதல் பாடல் கயா முயா வெளியாகி பெரும் வரவேற்பை பெற்றுள்ளது.மோகன் சினிமாவிற்கு வந்து 45 ஆண்டுகள் ஆனதையொட்டி சென்னை தியாகராய நகரில் அவரது ரசிகர்கள் ஏற்பாடு செய்த விழாவில் ஹரா படத்தின் முதல் பாடல் வெளியிடப்பட்டது. இவ்விழாவை ஹரா படக்குழு இணைந்து நடத்தியது.
இந்திய சினிமா வரலாற்றில் ரசிகர்கள் கையால் பாடலை வெளியிட்டது இதுவே முதல் முறை என்று படக்குழுவினர் தெரிவிக்கிறார்கள்.நேற்று முன்தினம் வெளியாகி 13 லட்சம் பார்வைகளை கடந்து பாடல் மிகப் பெரிய வெற்றி பெற்றுள்ளது. இதனால் மோகன் ரசிகர்கள், சினிமா ரசிகர்கள் மற்றும் படக்குழுவினர் மகிழ்ச்சி அடைந்துள்ளார்கள்.விரைவில் வெளிவரவிருக்கும் ‘பவுடர்’ படத்தின் கதையின் நாயகனும் மக்கள் தொடர்பாளருமான நிகில் முருகன் நிகழ்ச்சியை ஏற்பாடு செய்திருந்தார். தேசிய விருது பெற்ற இயக்குநர் சீனு ராமசாமி, இயக்குநர் விஜய் ஸ்ரீஜி, இசை அமைப்பாளர் லியாண்டர் லீ மார்ட்டி, மற்றும் மோகன் ரசிகர் மன்றத்தின் முக்கிய நிர்வாகி கருணாகரன் உள்ளிட்டோர் விழாவில் கலந்து கொண்டனர்.