கொலை உலகதரமிக்க சிறந்த படம்-விஜய் ஆண்டனி!

Get real time updates directly on you device, subscribe now.

கொலைகாரன் படத்தின் வெற்றியை தொடர்ந்து தயாரிப்பாளரும் நடிகரும் மறுபடியும் இணைந்திருக்கிறார்கள். கொலை படம் ஒரு பெரிய எதிர்பார்ப்பை ஏற்படுத்தி வரும் நேரத்தில் இந்த படத்தின் பிரஸ்மீட் நேற்று நடைபெற்றது. இந்தவிழாவில் படகுழுவினர் அனைவரும் கலந்து கொண்டனர்.

Related Posts
1 of 5

இந்நிகழ்வினில் நடிகர் விஜய் ஆண்டனி பேசியதாவது..,
இந்த படத்தில் இணைந்திருப்பதே பெருமையான விஷயம். இந்த படம் இயக்குனர் பாலாஜியின் கனவு. நான் உறுதியாக தன்னம்பிக்கையுடன் கூறுகிறேன், இந்த படம் உலகதரமிக்க சிறந்த படமாக இருக்கும். இந்த படத்தின் தயாரிப்பாளர்கள் தமிழ் சினிமாவிற்கு கிடைத்த வரங்கள். அவர்களுக்கு நிறைய அனுபவம் இருக்கிறது. இவர்களுடன் இணைந்தது எனக்கு மகிழ்ச்சி. இந்த படத்தின் ஒளிப்பதிவாளர் சிவக்குமார், இந்த படத்தின் மீதும், இயக்குநர் மீதும் மிகுந்த நம்பிக்கையும் பற்றும் கொண்டு இருக்கிறார். ஒரு இசையமைப்பாளராக, இந்த படத்தின் இசையமைப்பாளர் உடைய பணி எனக்கு உலகதரமாக தெரிகிறது. படதொகுப்பாளர் இந்த படத்தின் கதையை புரிந்து, அதை தொகுத்துள்ளார். இந்த படத்தில் CG கலைஞர் ரமேஷ் ஆச்சார்யா பெரிய பணியை செய்துள்ளார். அது பேசப்படும். ரித்திகா, மீனாட்சியுடன் பணிபுரிந்தது பெரிய சந்தோசம். இப்படம் கண்டிப்பாக பெரிய வெற்றியை பெறும் நன்றி.