தமிழில் பிக் ஹிட்! : அடுத்து ஹிந்தி, தெலுங்கு, கன்னடத்திலும் பாய்கிறது ‘ஈட்டி’

குளோபல் இன்போடெயின்மெண்ட் நிறுவனம் சார்பில் எஸ். மைக்கேல் ராயப்பன் தயாரிப்பில் அதர்வா ஸ்ரீ திவ்யா நடிப்பில் தமிழில் வெளிவந்து வெற்றிகரமாக ஓடிக்கொண்டு இருக்கும் திரைப்படம் “ஈட்டி”.

ரிலீசான நாள்முதல் இன்று வரை திரையிட்ட இடங்களில் மாபெரும் வரவேற்பைப் பெற்று வசூலைக் குவித்து வரும் இப்படம் விரைவில் பல மொழிகளில் ரீமேக் ஆகவுள்ளது.

ஹிந்தியில் ஷாஹித் கபூரும், தெலுங்கில் நிதினும், கன்னடத்தில் யாஷும் நடிப்பதற்கான பேச்சுவார்த்தை நடைபெற்று வருகிறது.

தெலுங்கில் “ஈட்டி” படத்தின் ரீமேக் பதிப்பை தமிழில் இப்படத்தை தயாரித்த குளோபல் இன்போடெயின்மெண்ட் நிறுவனம் சார்பில்.எஸ். மைக்கேல் ராயப்பன் அவர்களே தயாரிக்கிறார்.

தமிழில் இப்படத்தை இயக்கிய இயக்குனர் ரவி அரசு மற்ற மொழிகளிலும் இப்படத்தை இயக்கவுள்ளார்.