சுசீந்திரனின் ‘கென்னடி கிளப்’பில் இணைந்த சசிகுமார் – பாரதிராஜா
இயக்குனர் இமயம் பாரதிராஜாவுக்குள் இருந்த மிகச்சிறந்த நடிகனை ‘பாண்டிநாடு’ படத்தின் மூலம் உலகறியச் செய்தவர் இயக்குனர் சுசீந்திரன்.
தற்போது ‘ஜீனியஸ்’ , ‘ஏஞ்சலினா’, சாம்பியன் போன்ற படங்களை இயக்கியிருக்கிறார் சுசீந்திரன். இதில் ‘ஜீனியஸ்’ வருகிற அக்டோபர் 26 ஆம் தேதி வெளியாகிறது. இதைத்தொடர்ந்து அவர் ‘கென்னடி கிளப்’ என்ற புதிய படத்தை இயக்குகிறார்.
இதில் இயக்குனர் பாரதிராஜாவும், சசிகுமாரும் இணைந்து நடிக்கிறார்கள். இவர்களுடன் சூரி, முனீஸ்காந்த், மீனாட்சி, காயத்ரி, நீது, சௌமியா, ஸிம்ரிதி, சௌந்தர்யா உள்ளிட்ட பலர் முக்கிய வேடத்தில் நடிக்கிறார்கள்.
பெண்கள் கபடியை மையமாக வைத்து உருவாகி வரும் இப்படத்துக்காக பாலிவுட் வில்லனை தேடி வருகிறார் சுசீந்திரன்.
பாண்டியநாடு , பாயும் புலி மற்றும் மாவீரன் கிட்டு படத்துக்கு பின் டி. இமான் – இயக்குனர் சுசீந்திரன் கூட்டணி இப்படத்தில் இணைகிறது. நல்லுசாமி பிக்சர்ஸ் நிறுவனம் சார்பில் தாய் சரவணன் இப்படத்தை தயாரிக்கிறார்.
பழனியை கதைக்களமாக வைத்து உருவாகவுள்ள இப்படம். வருகிற தமிழ் புத்தாண்டு அன்று வெளியாகவுள்ளது. இயக்குனர் சுசீந்திரனின் தந்தை புகழ் பெற்ற கபடிக்குழுவின் நிறுவனர். அவர் 40 வருடமாக அந்த கபடி குழுவை நடத்தி பயிற்சியளித்து வருகிறார். அவரிடம் பயிற்சி பெற்ற பலர் தேசிய மற்றும் உலகளாவிய போட்டிகளில் பங்கு பெற்று பதக்கங்கள் வென்றுள்ளனர். படத்தில் நிஜ பெண் கபடி வீராங்கனைகள் நடிக்கிறார்கள்.
இப்படத்தின் படப்பிடிப்பு அக்டோபர் 22-ம் தேதி பூஜையுடன் துவங்கியது. இதில் படத்தில் நடிக்கும் நடிகர் அனைவரும் கலந்து கொண்டார்கள்.