சாட்சிகள் சொர்க்கத்தில்… – பார்த்தவர்களை உலுக்கியெடுத்த பாலச்சந்திரன் படுகொலை படத்தின் ட்ரெய்லர்!

இலங்கையில் நடந்த இனப்படுகொலையை மையமாக வைத்து தயாரிக்கப்பட்டுள்ள ‘சாட்சிகள் சொர்க்கத்தில்’ (Witness in Heaven) புதிய படத்தின் ட்ரெய்லர் மற்றும் இசை வெளியீட்டு விழா ஆஸ்திரேலியாவின் சிட்னி நகரில் ஞாயிற்றுக்கிழமை நடந்தது.

ஏராளமான தமிழர்கள் பங்கேற்ற இந்த நிகழ்ச்சி மிகவும் உணர்ச்சிப்பூர்வமான ஒன்றாக அமைந்து விட்டது. படத்தின் ட்ரெய்லர் பார்ப்பவர்களை உலுக்கியெடுத்தது.

விடுதலைப் புலிகளின் தலைவர் பிரபாகரனின் இளைய மகன், பச்சிளம் பாலகன் பாலச்சந்திரன் படுகொலையை மையமாக வைத்து ஈழன் இளங்கோ ஒளிப்பதிவு இயக்கியுள்ள படம் இது. அதே நேரம் போரில் நடந்த விஷயங்கள் எதையும் காட்சிப்படுத்தவில்லை. பாலச்சந்திரன் படுகொலையை மட்டுமே பிரதானப்படுத்தி இந்தப் படம் உருவாக்கப்பட்டுள்ளது.

படத்துக்கு சதீஷ் வர்ஷன் இசை அமைத்துள்ளார். சாட்சிகள் சொர்க்கத்தில் படம் உலகெங்கும் விரைவில் வெளியாகவிருக்கிறது.