இதுதான் ஆன்மீக அரசியலா? – ரஜினியை கிண்டல் செய்த சத்யராஜ்
Get real time updates directly on you device, subscribe now.
அரசியலுக்கு வரப்போகிறேன் என்று சொன்ன நடிகர் ரஜினிகாந்த் வரும் சட்டமன்ற தேர்தலில் 234 தொகுதிகளிலும் போட்டியிடப் போவதாக அறிவித்துள்ளார்.
அதே சமயத்தில் தமிழகத்தை பாதிக்கும் முக்கியமான பிரச்சனைகள் குறித்து மெளனமாக இருக்கும் அவரை தொடர்ந்து பலரும் விமர்சித்து வருகின்றனர்.
சமீபத்தில் தூத்துக்குடியில் நடந்த துப்பாக்கிச்சூடு விவகாரம் தொடர்பாக மக்களுக்கு எதிராக அவர் கூறிய கருத்துகளும் கடும் விமர்சனத்துக்கும், எதிர்ப்புகளுக்கும் ஆளானது.
அதோடு, அவர் நடித்த காலா படத்துக்கும் உலகமெங்கும் வலுவாக எதிர்ப்பு கிளம்பியிருக்கும் நிலையில் நடிகர் சத்யராஜ் ரஜினியின் ஆன்மீக அரசியலை கடுமையாகத் தாக்கி கருத்து தெரிவித்திருக்கிறார்.
திமுக தலைவர் கருணாநிதியின் பிறந்தாள் விழா நேற்று சென்னை வேப்பேரியில் நடைபெற்றது. அதில் கலந்து கொண்டு நடிகர் சத்யராஜ் பேசியதாவது, ”எந்த சுயநலமும் இல்லாமல், மக்கள் நலனை மட்டுமே கருத்தில் கொண்டு, எதை பற்றியும் யோசிக்காமல், சிறைக்கு செல்வது குறித்து கூட கவலைப்படாமல் களத்திற்கு வருவதற்கு பெயர் தான் அரசியல்.
கணக்குப் போட்டு வருவதற்கு பெயர் வியாபாரம். அந்த வியாபரத்திற்கு அரசியல் என பெயர் வைக்கக் கூடாது. அதற்கு சிலர் ஆன்மீக அரசியல் என பெயர் வைத்துள்ளனர். வெற்றிடம் உருவாகும் போது வருவது அரசியல் இல்லை. அது வியாபாரம்” என்றார் சத்யராஜ்.