பட்டயக்கிளப்பிய லெஜன்ட் பங்ஷன்!

சரவணா ஸ்டோரின் முதலாளி சரவணன் நடித்து விரைவில் வெளியாகவுள்ள தி லெஜன்ட் படத்தின் ஆடியோ லாஞ்ச் & ட்ரைலர் வெளியீட்டு விழா நேற்று சென்னையில் உள்ள நேரு உள் விளையாட்டு அரங்கத்தில் மிகப்பிரம்மாண்டமாக நடைபெற்றது. விழாவில் பாலிவுட் கோலிவுட் பிரபலங்கள் கலந்துகொண்டு அசத்தினார்கள். மேலும் படத்தின் ட்ரைலர் டெக்கனிக்கலாக மிரட்டி இருந்ததால் ரசிகர்கள் அனைவரும் பலத்த ஆச்சர்யம் அடைந்தார்கள். பலரின் கணிப்புகளை தாண்டி இப்படம் வெற்றிபெறும் என உறுதியாக நம்புகிறது படக்குழு. இப்படத்தின் இயக்குநர்கள் ஜேடி&ஜெர்ரி இருவரும் பல விளம்பரப் படங்களை வித்தியாசமாக எடுத்து பெயர் பெற்றவர்கள் என்பது குறிப்பிடத்தக்கது

எது எப்படியோ..”அண்ணாச்சு படம் என்னாச்சு?” என்று கேட்கும் போது, “போட்ட பணம் கிடைச்சாச்சு..படமும் ஹிட்டாச்சு” என்ற வார்த்தையைக் கேட்க வேண்டும் என்பதே சினிமா லவ்வர்களின் அவா..நிறைவேறட்டும்