‘விஜய் 61’ ஃபர்ஸ்ட்லுக், ஆடியோ, பட ரிலீஸ் எப்போது? : விஜய் ரசிகர்களுக்கு சர்ப்ரைஸ் ட்ரீட்!
Get real time updates directly on you device, subscribe now.
விஜய் நாயகனாக நடிக்கும் ‘விஜய் – 61’ படத்தை அட்லி இயக்கி வருகிறார். இசைப்புயல் A.R.ரஹ்மான் இசையமைப்பில் மிகப்பிரம்மாண்டமாக தயாராகும் இப்படத்தை தேனாண்டாள் ஸ்டுடியோஸ் முரளி ராமசாமி தயாரிக்கும் 100 வது படம்!
அதோடு இது விஜய்யின் 61-வது படமென்பதால் ரசிகர்கள் மத்தியில் பலத்த எதிர்பார்ப்புகளை ஏற்படுத்தியிருக்கிறது.
இராமநாராயணின் ஆசியுடன் தேனாண்டாள் ஸ்டுடியோஸ் லிமிடட் தயாரிக்கும் 100வது படமாக வளர்ந்து வரும் இந்த திரைப்படத்தில் விஜய்யுடன் எஸ்.ஜே.சூர்யா, காஜல்அகர்வால், சமந்தா, நித்யாமேனன், வடிவேல், கோவைசரளா, சத்யன் ஆகியோருடன் சத்யராஜ் மற்றும் பலர் நடித்து வருகின்றனர்.
சென்னையில் பிரம்மாண்டமான பல அரங்குகள் அமைக்கப்பட்டு முக்கிய நடிகர் நடிகையர் பங்கு பெறும் காட்சிகள் படமாக்கப்பட்டு வருகின்றன. இதன் முக்கியமான பல காட்சிகள் ஐரோப்பாவிலும் படமாக்கப்படவுள்ளன.
இப்படத்தின் ஃபர்ஸ்ட் லுக் எப்போது வெளியாகும் என்று விஜய் ரசிகர்கள் ஆவலோடு காத்திருந்தனர். அவர்களின் எதிர்பார்ப்பை சந்தோஷப்படுத்தும் விதமாக படத்தின் ஃபர்ஸ்ட் லுக், ஆடியோ, பட ரிலீஸ் ஆகிய தேதிகளை வெளியிட்டிருக்கிறார்கள்.
அதன்படி இப்படத்தின் ஃபர்ஸ்ட் லுக் (முதல்பார்வை) இளைய தளபதி விஜய்யின் பிறந்த நாளான ஜுன் மாதம் 22ம் தேதி வெளியிடப்பட இருக்கிறது.
இதன் ஆடியோ வெளியீட்டுவிழாவை ஆகஸ்ட்மாதம் பிரம்மாண்டமாக நடத்த ஆயத்த வேலைகள் நடைபெற்று வருகிறது.
ஏ.ஆர். ரகுமான் இசையில் கவிஞர் விவேக் பாடல்கள் எழுத ஜி.கே.விஷ்ணு ஒளிப்பதிவையும், ரூபன் படத்தொகுப்பையும், அனல்அரசு சண்டைபயிற்சியையும், விஜயேந்திரபிரசாத் மற்றும் ரமணகிரிவாசன் இருவரும் திரைக்கதையையும், ஷோபி நடனபயிற்சியையும் கவனிக்கின்றனர்.
அக்டோபர் மாதம் உலகமெங்கும் ரிலீசாகிறது.
தெறி படத்தின் மாபெரும் வெற்றியைத் தொடர்ந்து இப்படத்தை அட்லி கதை, திரைக்கதை வசனம் எழுதி இயக்கி வருகிறார் என்பது குறிப்பிடத்தக்கது.