ஹிப்ஹாப் ஆதி நடிக்கும் ‘வீரன்’!
சத்யஜோதி ஃபிலிம்ஸ் பல ஆண்டுகளாக தரமான குடும்ப பொழுதுபோக்கு திரைப்படங்களை வெளியிடுவதில் புகழ்பெற்றது மற்றும் இது தமிழ் திரையுலகில் மிகவும் புகழ்பெற்ற மற்றும் மதிப்புமிக்க தயாரிப்பு நிறுவனங்களில் ஒன்றாக பார்க்கப்படுகிறது. ஓடிடி ப்ளாக்பஸ்டர் வெற்றியான ‘அன்பறிவு’ படத்திற்குப் பிறகு சத்யஜோதி ஃபிலிம்ஸ், ‘யங் சென்சேஷன்’ ஹிப்ஹாப் தமிழா ஆதியுடன் மீண்டும் ‘வீரன்’ படத்தில் இணைந்துள்ளது. ஹிப்ஹாப் தமிழா ஆதியின் பிறந்தநாளில் அவரது அசத்தலான தோற்றத்துடன் வெளியாகி இருக்கும் முதல் பார்வை போஸ்டர் ரசிகர்களிடையே பெரும் வரவேற்பைப் பெற்று வருகிறது.
ஃபேண்டசி மற்றும் வேக்கியான எலிமென்ட்ஸ் கலந்த அம்சத்துடன் ’வீரன்’ படத்தின் முதல் பார்வை அமைந்து சினிமா ரசிகர்கள் மற்றும் பார்வையாளர்களை சரியான அமைப்புடன் ஈர்க்கும் வகையில் வெளியாகியுள்ளது.
‘மரகத நாணயம்’ மூலம் புகழ் பெற்ற இயக்குநரான ஏ.ஆர்.கே. சரவன் ‘வீரன்’ படத்தை தமிழ் மற்றும் தெலுங்கில் கதை, திரைக்கதை எழுதி இயக்கி இருக்கிறார். இந்தப் படத்தில் ஹிப்ஹாப் தமிழா ஆதி இதற்கு முன்பு நடித்திராத வித்தியாசமான கதாபாத்திரத்தில் நடித்திருக்கிறார். மேலும், இவருடைய ஸ்டைலும் நடிப்பும் அவருடைய ரசிகர்களுக்கே புதிதான விஷயமாக இதில் இருக்கும்.
இதன் முதல் பார்வை வெளியாகி இருப்பது எதிர்பார்ப்பை இன்னும் அதிகப்படுத்தி இருக்கிறது.படப்பிடிப்பு முடிவடைந்துள்ள நிலையில் தற்போது படத்தின் போஸ்ட் புரொடக்ஷன் பணிகள் நிறைவடையும் தருணத்தில் இருக்கிறது. சத்யஜோதி ஃபிலிம்ஸ் கோடை விடுமுறை 2023-க்கு படத்தை வெளியிட திட்டமிட்டுள்ளது. படத்தின் வெளியீட்டுத் தேதி விரைவில் அறிவிக்கப்படும்.